Qyzylordada gektaryna 49,6 tsentner kúrish jınalyp jatyr
QYZYLORDA. KAZINFORM – Bıyl Qyzylorda oblysynda 193,7 myń gektarǵa aýyl sharýashylyǵy daqyldary egildi.
Oblystyq aýyl sharýashylyǵy jáne jer qatynastary basqarmasynyń málimetinshe, kúrish kólemi 10,9 myń gektarǵa qysqaryp, 70,1 myń gektarǵa Syr salysy egildi.
- Búgingi kúni kúrishtiń 59,9 myń gektary ústep qorektendirilip, 62,3 myń gektary aramshópterge qarsy óńdeldi. Sonymen qatar egilgen 70 myń gektar kúrishtiń sýy 31 tamyz kúni tolyq baılandy. Josparlanǵan dándik júgeri daqylynyń búgingi kúni 10 557 gektary (100,2%) egilip bolyp, kútip-baptaý jumysy júrgizilip jatyr, - delingen habarlamada.
10 qyrkúıektegi málimet boıynsha kúrishtiń 5 238 gektary orylyp, 2 882 gektary bastyryldy. Ónim kólemi – gektaryna orta eseppen 49,6 tsentner.
- Mal azyǵyn daıyndaý boıynsha oblystyń sharýashylyq qurylymdary kútimge alǵan 49 myń gektar eski jońyshqanyń 2 380 gektary tuqymǵa qaldyryldy. Orylýy tıis 46,6 myń gektardan úsh orymnan jalpy 283,5 myń tonna jońyshqa shóbi daıyndaldy. Mal azyǵyn daıyndaý jalǵasyp jatyr, - delingen habarlamada.
Eske salaıyq, Syr óńirinde kúrish jınaý naýqanyna alǵashqy oraq 4 qyrkúıekte tústi.
