Qyzylordada gaz tutynýshylardyń quqyǵy buzylǵan
QYZYLORDA. KAZINFORM – QR Básekelestikti qorǵaý jáne damytý agenttiginiń Qyzylorda oblysy boıynsha departamentine Aral aýdanynyń turǵyndarynan «QazaqGaz Aimaq» AQ-nyń Qyzylorda óndiristik fılıalyna qatysty ujymdyq ótinish tústi.
Ótinishte kórsetilgendeı, fılıal tutynýshylarǵa esepke alý quraldarynyń tekseriletinin zańnamada belgilengen merzimde habarlamaǵan.
- Nátıjesinde taýarlyq gazdy tutyný kólemi esepteý quraldarynyń naqty kórsetkishi boıynsha emes, belgilengen normatıv negizinde eseptelgen. Sonymen qatar departament Aral aýdanynyń taýarlyq gazdy bólshek saýdada ótkizý naryǵyndaǵy básekelestiktiń jaı-kúıine 2025 jyl jáne 2026 jyldyń birinshi toqsany boıynsha taldaý júrgizdi. Taldaý qorytyndysy boıynsha óndiristik fılıal taýar naryǵynda ústem jaǵdaıǵa ıe naryq sýbektisi dep tanyldy. Jınalǵan materıaldar negizinde Básekelestikti qorǵaý salasyndaǵy zańnamasyn buzý belgileri anyqtaldy. Osyǵan baılanysty Kásipkerlik kodeksiniń 199-babynyń 1-tarmaǵyna sáıkes habarlama shyǵarylyp, ol tolyq kólemde oryndaldy, - delingen departament taratqan habarlamada.
Fılıal tutynýshylar úshin paıdalanylǵan gazdyń qunyn qaıta eseptedi. Nátıjesinde turǵyndardyń buzylǵan quqyǵy qalpyna keldi.
Buǵan deıin biz Shymkentte tutynýshylardyń gazǵa qaryzy 900 mln teńgeden asqanyn jazdyq.
