Qyzylordada fızıka-matematıka mektep-ınternaty salynyp jatyr
QYZYLORDA. KAZINFORM — Qyzylorda oblysynyń ákimi Nurlybek Nálibaev oblys ortalyǵynda salynyp jatqan qurylys nysandarynda boldy.
Onyń ishinde Janqoja batyr kóshesi arqyly ótetin temirjol ótkeli, ortalyq stadıon, tarıhı-mádenı mura ortalyǵy, fızıka-matematıka mektep-ınternaty men mýzykalyq kolledj bar. Biz aıtqan ótkel qalanyń arǵy beti men ortalyǵyn jaqyndata túsedi.
Qazirgi tańda aınalma joldar salynyp, ınjenerlik jelilerdiń ornyn aýystyrý, qurylysqa qajetti jer ýchaskelerinde demontaj jumystary júrip jatyr.
Aımaq basshysy sol jaǵalaýdaǵy stadıonnyń qurylysyn kórdi. Búginde onyń shyǵys jáne batys trıbýnalarynyń metall konstrýktsııalary montajdaldy. Qabyrǵasy men ishki bólimderi, syrtqy vıtrajdary qalanýda. Syrtqy ınjenerlik jeliler jetkizilgen. Jylý, sý qubyrlary, elektr, jeldetkishtiń ishki jelileri ornatylýda. Ǵımarattyń syrtqy qabyrǵasy, ishki ınjenerlik jelilerin júrgizý aıaqtalyp, fýtbol alańyn montajdaý jáne abattandyrý bastalady.
Daryndy balalarǵa arnalǵan fızıka-matematıka mektep-ınternatynyń byltyr ǵana irgesi qalanǵan bolatyn. Qurylysy bıyl aıaqtalýy tıis.
Sondaı-aq osyǵan deıin habarlanǵandaı, Qyzylorda oblysyndaǵy ǵasyrdan astam tarıhy bar vokzal jóndeledi.