Qyzylordada feldsherler júregi toqtap qalǵan naýqastyń ómirin saqtap qaldy
QYZYLORDA. KAZINFORM - Qyzylordada jedel járdem feldsherleri júregi toqtap qalǵan naýqastyń ómirin saqtap qaldy.
Qyzylorda qalasynda júregi syr bergen áıel kisi jedel járdem qyzmeti kómegine júginýge májbúo bolady. Bul shaqyrýǵa qaladaǵy №3 bólimshe feldsherleri Saıat Qystaýbaev pen Jalǵas Sharapov jedel jetti. Naýqasqa alǵashqy medıtsınalyq kómek kórsetiledi.
«Naýqasty aýrýhanaǵa jetkizý qajettiligi týyndaıdy. Jol boıynda qarııanyń densaýlyq jaǵdaıy nasharlap, júregi toqtap qalady. Kólik ishinde feldsherler naýqastyń júregine qaıta jandandyrý ádisin júrgizý ádisin qoldanady. Osydan keıin naýqastyń jaǵdaıy qaıtadan qalpyna kelip, oblystyq aýrýhananyń jansaqtaý bólimine jetkiziledi. Qazir naýqastyń jaǵdaıy bir qalypty, kardıologııa bóliminde em qabyldaýda», - dep málim etti Qyzylorda oblystyq medıtsınalyq jedel járdem stansasynan.
Qarııanyń otbasy adam ómirine arashashy bolǵan medıtsına mamandaryna alǵysyn bildirdi.
Eske salsaq, budan buryn Qyzylorda oblysynda naýryz aıynda 331 adam qyzylsha juqtyrdy.
