Qyzylordada farmatsevtik qyzmet salasynda ereje buzǵandar anyqtaldy
QYZYLORDA. KAZINFORM — Qyzylorda oblysynyń polıtsııa departamenti «Dármek» jedel-profılaktıkalyq is-sharasynyń qorytyndysyn jarııalady.
Ol esirtki, psıhotroptyq zattar men prekýrsorlardyń zańsyz aınalymy faktilerin anyqtaýǵa jáne qylmystyń jolyn kesýge baǵyttaldy.
— Іs-shara barysynda 48 dárihana, 12 medıtsınalyq uıym jáne prekýrsorlar aınalymyna baılanysty 23 uıym tekserildi. Sondaı-aq farmatsevtik qyzmet, dárilik zattar men medıtsınalyq buıymdar aınalymy salasyndaǵy erejeni buzýdyń 23 deregi tirkeldi, — delingen habarlamada.
Osy oraıda polıtsııa esirtki men psıhotroptyq zattardyń zańsyz aınalymy qoǵamǵa eleýli qaýip tóndiretinin jáne ol úshin qatań jaýapkershilik qarastyrylǵanyn eskertedi.
Buǵan deıin habarlaǵanymyzdaı, elimizde farmatsevtıka salasyna júrgizilgen aýdıt qorytyndysy boıynsha 5 is Bas prokýratýraǵa joldandy.