Qyzylordada zeınetkerdi tonap ketken kúdikti ustaldy
ASTANA. KAZINFORM - Qyzylordalyq polıtseıler zeınetkerdi tonap ketken kúdiktini ustady.
Bul baǵytta Qyzylorda qalasy Polıtsııa basqarmasynyń jedel ýákilderi jedel-izdestirý sharalaryn júrgizdi. Nátıjesinde 64 jastaǵy zeınetkerdi tonaǵan kúdikti ustaldy.
«Qala aýmaǵyndaǵy saýda ortalyǵynyń aldynda turǵan dúńgirshekten 30 jastaǵy azamat saýda jasaǵan. Artynsha terezesin syndyryp kassada turǵan aqshany alyp, oqıǵa ornynan boı tasalaǵan. Tonaý deregi boıynsha sotqa deıingi tergep-tekserý áreketteri júrgizilýde. Kúdiktige qatysty eshqaıda ketpeý týraly qolhat túrinde bultartpaý sharasy qoldanyldy», - dep málim etti Qyzylorda oblystyq polıtsııa departamentinen.
Eske salsaq, budan buryn Qyzylorda oblysynda Syrdarııa aýdandyq sotynda áıelin óz-ózin óltirýge deıin jetkizgen er adamǵa qatysty sot úkimi shyqty.
