Qyzylordada esirtkige qatysty 67 derek qyzmettik ıtterdiń kómegimen anyqtaldy

QYZYLORDA. KAZINFORM — Qyzylorda oblystyq polıtsııa departamenti respýblıka kóleminde 5 aıǵa jalǵasqan «Qarasora-2026» arnaıy jedel profılaktıkalyq is-sharasynyń qorytyndysyn jarııalady.

Qyzylordada esirtkige qatysty 67 derek qyzmettik ıtterdiń kómegimen anyqtaldy
Foto: Qyzylorda oblystyq Polıtsııa departamenti

Іs-shara barysynda esirtkige qatysty 195 quqyqbuzýshylyq anyqtaldy.

— Onyń ishinde 64 derek esirtki ósirýge, 12 derek esirtki ótkizýge, 6 derek asa iri mólsherde esirtki saqtaýǵa qatysty. Sondaı-aq esirtkini tutynýǵa kóndirýdiń 1 deregi jáne esirtkige baılanysty 112 qylmystyq teris qylyq tirkeldi. Zańsyz aınalymnan jalpy salmaǵy 727 kelige jýyq esirtki zaty tárkilendi. Onyń 712 kelige jýyǵy — sora ósimdigi, 13 keliden astamy — marıhýana, — delingen departament habarlamasynda.

Budan bólek, mobıldi beketterde qyzmettik-izdestirý ıtteriniń kómegimen esirtkige qatysty 67 quqyqbuzýshylyq anyqtaldy.

Eske salaıyq, Jyl basynan beri Astanada esirtki jarnamasy bar 200-den astam jazý anyqtalyp, osy derekter boıynsha alty qylmystyq is qozǵaldy.