Qyzylordada esirtki satýdan túsken qomaqty tabysty zańdastyrǵan top qolǵa tústi

QYZYLORDA. KAZINFORM – Qarjylyq monıtorıng agenttiginiń Qyzylorda oblysy boıynsha departamenti tsıfrlyq aktıvterdiń zańsyz aınalymyn uıymdastyryp, esirtki satýdan túsken kiristerdi zańdastyrý deregi boıynsha tergeýdi aıaqtady. Bul týraly agenttiktiń baspasóz qyzmeti habarlady.

Kásibı aqsha jylystatýshylar toby bir jyl boıy tsıfrlyq aktıvterdi aıyrbastaý operatsııalaryn júrgizgen.

- Krıptoámııandar arqyly ótken jalpy aınalym 1,88 mlrd teńgeden asty. Sonymen qatar kúdiktiler «Fresh», «Butterfly», «CrystalOrganic», «Traýtvaıt NON kıvı» jáne «SkittyShop» Telegram-arnalary arqyly esirtki satýdan túsken 603 mln teńgeni zańdastyrǵan.

Shemada shetel azamattarynyń atyna tirkelgen drop-kartalardyń uıymdasqan jelisi paıdalanylǵan. Qylmystyq jolmen alynǵan tabysqa kúdiktiler turǵyn úı, páter, 5 avtokólik satyp alyp, sondaı-aq otbasylyq meıramhana salǵan. Sottyń sanktsııasymen atalǵan múlikke tyıym salyndy, - delingen habarlamada.

Qylmystyq is sotqa joldandy. Eki kúdikti qamaýǵa alyndy. QR QPK-niń 201-babyna sáıkes ózge aqparat jarııa etýge jatpaıdy.

Buǵan deıin BAÁ-de ustalǵan krıptovalıýta saýdageri Qazaqstanǵa qaıtarylǵan bolatyn.