Qyzylordada esirtki ósirgen 21 adam ustaldy
QYZYLORDA. KAZINFORM — 1 maýsym men 31 qazan aralyǵyna josparlanǵan «Qarasora-2026» respýblıkalyq arnaıy jedel profılaktıkalyq is-sharasynyń 23 kúni artta qaldy.
Osy kúnderi Qyzylorda oblysynda 5 mobıldi beket qyzmet atqaryp tur.
— Іs-shara kezinde 38 esirtki quqyqbuzýshylyǵy anyqtaldy. Onyń 27-si — esirtki ósirý faktisi, 11-i — esirtkige baılanysty qylmystyq teris qylyq. Zańsyz aınalymnan 92 kılogramm 124 gramm esirtki zaty tárkilendi. Esirtki ósirýmen aınalysqan 21 adam quryqtalyp, onyń 10-y qamaýǵa alyndy. Áskerı tikushaq arqyly 15 márte áýeden sholý júrgizilip, esirtki ósirýdiń 12 deregi anyqtaldy. Mobıldi beketterde qyzmettik izdestirý ıtteriniń kómegimen esirtkige qatysty teris qylyqtyń 6 deregi áshkere boldy, — dedi oblystyq polıtsııa departamentiniń basqarma bastyǵy Birjan Baǵysov.
Buǵan deıin biz Qyzylorda qalasy mańyndaǵy Abaı jáne Birqazan aýyldarynyń mańynda esirtki ósirýdiń 2 deregi tirkelgenin jazdyq.
