Qyzylordada aptap ystyq saldarynan elektr energııasyna suranys artty

 - Qalada kóptegen jańa nysan salynyp, aýmaǵy jyl saıyn ulǵaıyp keledi. Qyzylordada 240 megavattyq jylý elektr stantsııasy iske qosylǵanyn bilesizder. Búginde ol óndirilgen qýatty 220 kV elektr jelisine beredi. Bul ońtústik óńirde jaryq tapshylyǵyn boldyrmaýǵa yqpal etedi. 220 kV elektr jelileri «KEGOC» kompanııasynyń menshiginde. Al Qyzylorda elektr taratý toraptary kompanııasy Qyzylorda qalasyn 35 kV elektr jelileri men 35/10 kV qosalqy stantsııalary arqyly elektr energııasymen qamtamasyz etip otyr, - dedi «Qyzylorda elektr taratý toraptary kompanııasy» AQ-nyń ońaltý basqarýshysy Baýyrjan Jantasov.

Tozyǵy jetken nysandardy aýystyrý, jańalaý baǵytynda kompanııanyń ınvestıtsııalyq baǵdarlamasy aıasynda jáne oblystyq bıýdjet esebinen jumys atqarylyp jatyr.

- Qalanyń Jańa bazar, GOVD, Ýnıversam, Ortalyq alań, Arsenal, Bolashaq shaǵyn aýdandaryna ortaq qosalqy stantsııanyń júktemesin bólý maqsatynda qosymsha qýaty 6 300 kVA T-3 kúshtik transformator ornatyldy. Ál Farabı, Komsomol, Shanhaı, Qorqyt ata, KBI shaǵyn aýdandarynyń ortalyq taratý pýnktiniń júktemesin bir qosalqy stantsııadan ekinshisine aýystyrý úshin 3 shaqyrym 10 kV kabel jelisi tartylyp, qosyldy. Tasbóget kentindegi ortalyq taratý pýnktiniń áýe jelisi ótken ǵasyrdyń 70-jyldary salynǵan, ábden tozyp turǵan bolatyn. Ótkizý qabiletin arttyrý maqsatynda onyń 1,2 shaqyrymyn 10 kV kabel jelisine aýystyrdyq, - dedi Baýyrjan Jantasov.

Aýa raıynyń ózgerýine baılanysty keıbir elektr qondyrǵylary men jelileriniń qyzýynan aqaýlar shyqqty. Degenmen, kompanııa mamandary ony der kezinde qalpyna keltirip jatyr. Osynyń arqasynda elektr energııasynyń tapshylyǵy seıildi.

Jalpy, aptap ystyq Qyzylorda qalasynyń kommýnaldyq qyzmeti qaı deńgeıde ekenin kórsetti. Onyń ishinde tirshilik nárine suranystyń artýy da bul salanyń jumysyna syn bolǵany ras.