Qyzylordada elektr taratýshy kompanııa 4 mln teńgege jýyq aıyppul tóledi
QYZYLORDA. KAZINFORM — UEM Tabıǵı monopolııalardy retteý komıtetiniń Qyzylorda oblysy boıynsha departamenti tutynýshynyń ótinishi boıynsha jospardan tys tekserý júrgizip, qoǵamdyq mańyzy bar naryq salasynda zańnama talabynyń buzylǵanyn anyqtady.
Tutynýshy Qyzylorda elektr taratý toraptary kompanııasyna saralanǵan tarıfti qoldaný týraly ótinishpen júginbegen.
— Sýbekt soǵan qaramastan 2025 jyldyń qańtar jáne naýryz aılarynda tutynýshymen saralanǵan tarıf boıynsha eseptesken. Nátıjesinde 2430,2 teńge artyq tólem alyp, baǵa belgileý tártibin buzǵan. Atalǵan fakt boıynsha ákimshilik is Ákimshilik quqyqbuzýshylyq týraly kodekstiń 167-babyna sáıkes qysqartylǵan tártippen qaralyp, kompanııaǵa 3 mln 932 myń teńge aıyppul salyndy, — delingen habarlamada.
Elektr taratýshy kásiporyn ákimshilik aıyppuldy memlekettik bıýdjet esebine óndirdi.
Buǵan deıin habarlaǵanymyzdaı, Aýyl sharýashylyǵy mınıstri Erbol Qarashókeevpen kezdesken elordalyq kásipkerlerdiń biri áleýmettik mańyzy bar azyq-túlik óndiretin kásiporyndar úshin elektr energııasyna saralanǵan tarıf engizýdi usyndy.