Qyzylordada elektr tapshylyǵy túıe sútin óńdeıtin zaýyt jumysyna kedergi keltirgen
QYZYLORDA. KAZINFORM — Qyzylorda oblysynda bıyl 9 aıda prokýrorlardyń yqpalymen 3 myńnan astam kásipkerdiń quqyǵy qorǵaldy.
Kásipkerlerge tıesili 1,9 mlrd teńge qarjy óndirildi. 45 adam tártiptik, 4 adam ákimshilik jaýaptylyqqa tartyldy. Oblystyq baqylaý basqarmasy tıisti aktisiz qurylys kompanııasynyń qyzmetine zańsyz tekserý júrgizip, kásipkerdi ákimshilik jaýaptylyqqa tartqan. Qabyldanǵan sharalar nátıjesinde basqarmanyń jaýapty qyzmetkeri sottyń qaýlysymen ákimshilik jaýaptylyqqa tartyldy.
— Memleket basshysynyń tapsyrmasy boıynsha prokýratýra mańyzdy ınvestıtsııalyq jobalardy súımeldep keledi. Osy oraıda prokýratýra organdarynyń súıemeldeýimen quny 743 mlrd teńge bolatyn 35 ınvestıtsııalyq joba boıynsha kedergiler men zańsyzdyqtar joıyldy. Mysaly, Aral aýdanynda túıe sútinen qurǵaq untaq daıyndaý jobasyn júzege asyrýshy «Qazaq Camel» seriktestiginiń zaýytynda elektr qýaty jetispeı, tolyq jumys isteýge múmkindik bolmaǵan. Bizdiń bastamamyzben aýdandyq máslıhattyń uıǵarymymen máseleniń oń sheshilýine qarjy bólindi. Sonyń esebinen 650 Kvt elektr energııasyn óndiretin qosalqy stantsııa ornatyldy, — dedi oblys prokýrory Rızabek Ojarov.
Buǵan deıin Qyzylorda oblysynda farmatsevtik qyzmet salasynda ereje buzǵandar anyqtaldy.