Qyzylordada elektr energııasy qymbattady ma - basqarma túsinikteme berdi

QYZYLORDA. KAZINFORM - Qyzylordada jyl basynda turǵyndar elektr energııasyna qymbat tólegenin aıtyp shaǵymdandy.

Buǵan baılanysty oblystyq energetıka jáne turǵyn-úı kommýnaldyq sharýashylyq basqarmasy tarapynan túsinikteme berildi.

- Ras, jyl basynda turǵyndar tarapynan osyndaı saýaldar keldi. Olar «ótken jyldyń jeltoqsan aıynda elektr energııasy qymbattady ma ?», dep anyq-qanyǵyn surady. Degenmen tarıfke eshqandaı ózgeris enbegenin aıta keteıin. Máseleniń mánisin aıta ketsek, Qyzylorda qalasynda tutynýshy kóp. Buryn «Energoservıs» ártúrli ýaqytta tólem jasaıtyn. Sol kúni baza jabylatyn edi. Endigi kezekte atalǵan mekeme jabylyp qaldy. Osyǵan baılanysty 31 jeltoqsanǵa deıingi kórsetkish boıynsha esep aıyrysý qajet boldy. Sondyqtan tutynýshylar bir aıǵa emes, 45 kúndik kórsetkishpke tólem jasady. Turǵyndardyń burynǵydan kóp tóleýine baılanysty túsinbeýshilik jaǵdaıy osydan týyndap otyr. Bul jumys endi 1 qańtardan bastap KREK mekemesiniń qolyna ótti. Tólem jasaý merzimi burynǵy qalpyna túsedi, - dedi oblystyq energetıka jáne turǵyn-úı kommýnaldyq sharýashylyq basqarmasy basshysynyń orynbasary Tahır Nádirbek.

Eske salsa, budan buryn Qyzylordada kartop ónimi 400 teńgege deıin qymbattaǵany habarlandy.