Qyzylordada ekpeden bas tartqandar sany 1,7%-ǵa artty
QYZYLORDA. KAZINFORM — Qyzylorda oblysynda juqpaly aýrýlarǵa qarsy josparly egýden bas tartqandar qatary azaımaı tur.
Bıyl 6 aıda olardyń sany ótken jylǵydan 1,7%-ǵa joǵarylady.
— Profılaktıkalyq ekpemen qamtý deńgeıi optımaldy kórsetkishten tómen boldy. Osyǵan baılanysty biz oblystyq densaýlyq saqtaý basqarmasymen birlesken jumysty kúsheıttik. Jyl basynan beri 27 ata-ana ekpe týraly kózqarasyn ózgertip, balalary ekpe aldy, — dedi oblystyq sanıtarııalyq-epıdemıologııalyq baqylaý departamentiniń basshysy Gúlmıra Syzdyqova.
Mamandar profılaktıkalyq ekpeniń mańyzyn atap ótti.
— Qyzylsha aýrýynyń jıileýine baılanysty iske qosylǵan qosymsha ekpe salý naýqanynyń nátıjesinde 5450 adam ekpemen qamtylyp, aýrýshańdyq tómendedi. 2026 jyldyń alǵashqy 2 aıynda 25 derek esepke alynsa, naýryz, sáýir aılarynda birde-bir derek tirkelgen joq, — dedi ol.
Buǵan deıin biz Qyzylordada brýtsellez aýrýynyń 21 jaǵdaıy anyqtalǵanyn jazdyq.
