Qyzylordada eki jyldan beri halyqaralyq izdeýge júrgen kúdikti qolǵa tústi

QYZYLORDA. KAZINFORM - Qyzylordada halyqaralyq izdeýde júrgen qylmysker qolǵa tústi. Qyzylorda oblysy polıtsııa departamentiniń uıymdasqan qylmysqa qarsy kúres basqarmasynyń qyzmetkerleri jedel-izdestirý sharalaryn júrgizdi.

«Atalǵan shara barysynda Qyzylorda qalasynyń halyqaralyq izdeýde júrgen 44 jastaǵy turǵyny qolǵa tústi. Ol eki jyldan beri tergeýden boı tasalap júrgen bolatyn. Polıtseıler kúdiktini Qyzylorda qalasynda jasyrynyp júrgen jerinen anyqtady. Kúdikti ýaqytsha ustaý ızolıatoryna qamaqqa alyndy», - dep málim etti Qyzylorda oblystyq Polıtsııa departamentinen.

Eske salsaq, budan buryn Qyzylorda oblysynda 11 jyl izdeýde bolǵan qylmysker qolǵa tústi.