Qyzylordada eki jeńgetaı ár klıentten 5 myń teńgeden alyp otyrǵan

Qyzylordada jeńgetaılyqpen aınalysqan eki áıel ustaldy, dep habarlaıdy Kazinform.

Qyzylorda oblysynda «STOP-trafık» jedel-profılaktıkalyq sharasy júrgizildi. 

Shara barysynda jeńgetaılyqpen aınalysqan 2 azamatsha anyqtaldy.

Oblys ortalyǵyndaǵy eki saýnanyń 39, 50 jastaǵy meńgerýshileri kelgen tutynýshyǵa paıdakúnemdik maqsatta jeńil júristi qyzdardy usynyp, jeńgetaılyqpen aınalysqan.

«Kúdiktiler árbir shaqyrý boıynsha 5 myń teńge syıaqy retinde aqshalaı qarajat alyp otyrǵan. Oqıǵa ornynan zattaı dáleldemeler — aqsha jáne baılanys quraldary alyndy. Atalǵan derekter boıynsha QR Qylmystyq kodeksiniń 309-babynyń 1-bóligimen sotqa deıingi tergeý júrip jatyr», — dep málim etti Qyzylorda oblystyq polıtsııa departamentinen.

Eske salsaq, budan buryn Qyzylordada eki jasóspirimdi ótkir zatpen jaraqattaǵan kúdikti qolǵa túskenin habarlaǵan edik.