Qyzylordada eki kún buryn joǵalyp ketken jigit óli kúıinde tabyldy
QYZYLORDA. KAZINFORM - Qyzylordada eki kún buryn joǵalyp ketken jigit óli kúıinde tabyldy.
Joǵalǵan azamatty izdestirý jumystaryna eki kún boıy Polıtsııa departamentiniń, qalalyq Polıtsııa basqarmasynyń jeke quramy, Tótenshe jaǵdaılar departamenti, eriktiler jáne jergilikti turǵyndar qatysty.
«23 shilde kúni joǵalǵan adamnyń denesi tabyldy. Atalǵan derek Qyzylorda qalasy polıtsııa basqarmasynyń sotqa deıingi tergep-tekserý biryńǵaı tizilimine tirkeldi. Ólimniń naqty sebebin anyqtalýda. Bul maqsatta qajetti sot-medıtsınalyq saraptama taǵaıyndaldy. Onyń qorytyndysy kútilýde. Jeke basy anyqtalǵan. Tergeý áreketteri jalǵasýda», - dep málim etti Qyzylorda oblystyq Polıtsııa departamentinen.
Eske salsaq, budan buryn Qyzylorda oblysynda qoıshy aýylda áıelin óltirgen kúdikti ustaldy.
