Qyzylordada eki adamnyń ólimine kúdikti retinde kórshisi ustaldy

QYZYLORDA. KAZINFORM — Qyzylorda qalasynda 8 qańtarǵa qaraǵan túni pyshaq jaraqaty saldarynan qala turǵyny jáne onyń 34 jastaǵy qyzy kóz jumdy. Bul týraly oblystyq polıtsııa departamentinen habarlady.

Oqıǵa týraly polıtsııaǵa qaza tapqandardyń kórshileri habarlaǵan.

— Oqıǵa ornyna jedel jetken patrýldik polıtsııa ekıpajy kúdiktini qylmys ornynda ustady. Ustalǵan azamat — jábirlenýshilerdiń kórshisi. Atalǵan derek boıynsha adam óltirý deregi boıynsha qylmystyq is qozǵaldy. Qazirgi ýaqytta barlyq qajetti tergeý áreketi júrgizilip jatyr. Kúdikti ýaqytsha ustaý ızolıatoryna qamaýǵa alyndy, — delingen habarlamada. 

Tártip saqshylary oqıǵanyń mán-jaıyn anyqtaıdy. 

— Tergeý múddesine baılanysty ózge aqparat jarııa etilmeıdi. Sotqa deıingi tergep-tekserý barysy departament basshylyǵynyń baqylaýynda, — delingen habarlamada.
Buǵan deıin Qyzylorda oblysynda mal urlyǵy boıynsha kúdiktiler qolǵa tústi.

Buǵan deıin Qyzylorda oblysynda mal urlyǵy boıynsha kúdiktiler qolǵa tústi.