Qyzylordada dúkende jas jigitti uryp-soqqan qala turǵyny ustaldy

Qyzylordada dúkende jas jigitti uryp-soqqan 23 jastaǵy qala turǵyny ustaldy, dep habarlaıdy Kazinform.

Áleýmettik jelide jarııalanǵan beınejazbada qala turǵynynyń dúken ishinde jas jigitti uryp-soqqany túsip qalǵan. Bul jóninde Qyzylorda qalalyq polıtsııa basqarmasy tómendegishe túsinikteme berdi.

«Atalǵan derek boıynsha QR Qylmystyq kodeksiniń 293-babynyń 3-bóligimen (buzaqylyq deregi boıynsha) qylmystyq is tirkelip, tergep-tekserý júrgizilýde. Qylmystyq quqyq buzýshylyq jasaǵan 23 jastaǵy qala turǵyny ustaldy. Ol Qyzylorda qalasy polıtsııa basqarmasynyń ýaqytsha ustaý abaqtysyna oqshaýlandyryldy. Qyzylorda qalasynyń mamandandyrylǵan tergeý sotymen oǵan 2 aı merzimge «úıqamaq» túrindegi bultartpaý sharasy sanktsııalandy. Qylmystyq-protsestik kodeksiniń 201-babynyń talaptaryna sáıkes, tergeý derekterin jarııa etýge jol berilmeıdi», - dep jazylǵan basqarma taratqan habarlamada.

Eske salsaq, budan buryn Qyzylorda oblysynda gaz qubyryn urlaǵan eki adam ustaldy.