Qyzylordada drondardyń kómegimen myńǵy jýyq jol erejesin buzý deregi anyqtaldy
QYZYLORDA. KAZINFORM – Qyzylorda oblysynda ushqyshsyz ushý apparattary jol qozǵalysy qaýipsizdigin qamtamasyz etý, quqyqbuzýshylyqtardyń aldyn alý jáne qoǵamdyq tártipti saqtaý baǵytynda tıimdi qoldanylyp keledi.
Oblystyq polıtsııa departamentiniń qaramaǵynda osyndaı 12 tehnologııa bar. Olardy paıdalaný naqty nátıje kórsetip otyr.
- Jyl basynan beri drondardyń kómegimen jol júrisi qaǵıdalaryn buzýdyń 1000-ǵa jýyq deregi anyqtaldy. Al Qarabutaq – Qyzylorda – Shymkent avtojoly boıynda 171 quqyqbuzýshylyqtyń joly kesildi. Bul kórsetkish zamanaýı tehnologııalardyń polıtsııa jumysynyń tıimdiligin arttyrýdaǵy mańyzyn baıqatady, - dep habarlady departamenttiń baspasóz qyzmeti.
Apparattar joǵary sapaly kameralarmen jáne jylý túsirgishtermen (teplovızor) jabdyqtalǵan. Bul áýeden sapaly beıne túsirýge, sondaı-aq kórý múmkindigi shekteýli jaǵdaıda nysandardy anyqtaýǵa múmkindik beredi. Polıtsııa jasaqtarynyń jumysyn tolyqtyryp, jaǵdaıdy jedel baǵalaýǵa, aýqymdy aýmaqtardy baqylaýǵa, kúshter men quraldardy tıimdi paıdalanýǵa kómektesedi.
Buryn habarlaǵanymyzdaı, Soltústik Qazaqstan oblysynda tártip saqshylary 30-ǵa jýyq drondy kúrdeli ýchaskelerde jol jaǵdaıyn áýeden baqylaýǵa jáne óńirdegi qoǵamdyq tártipti tıimdi qamtamasyz etýge qoldanady.
