Qyzylordada dinı ádebıetti zańsyz taratý deregi anyqtaldy

QYZYLORDA. KAZINFORM – Qyzylorda qalasynda ornalasqan kitap dúkenderiniń birinde dinı ádebıetti taratýǵa qatysty zań talaptarynyń saqtalmaǵany anyqtaldy.

ekstremızm
Foto: UQK

Oblystyq din isteri basqarmasy dúken ıesine Ákimshilik quqyq buzýshylyq týraly kodekstiń 490-baby 1-bóliginiń 3-tarmaǵyna sáıkes ákimshilik shara qoldanylǵanyn málimdedi. 

- Osy oraıda Dinı qyzmet jáne dinı birlestikter týraly zańnyń 9-babynyń 2-tarmaǵyna sáıkes dinı ádebıetti, dinı mazmundaǵy ózge de aqparattyq materıaldardy jáne dinı maqsattaǵy zattardy tek dinı ǵıbadat úılerinde (ǵımarattarynda), dinı bilim berý uıymdarynda, jergilikti atqarýshy organdar arnaıy belgilegen turaqty úı-jaılarda taratýǵa bolatynyn eskertemiz. Sonymen qatar zań talabyna sáıkes dinı ádebıetti jáne dinı mazmundaǵy ózge de aqparattyq materıaldardy ázirleýge, shyǵarýǵa jáne taratýǵa dintaný saraptamasynyń oń qorytyndysy alynǵannan keıin ǵana ruqsat. Osyǵan baılanysty kitap dúkenderi men saýda oryndary dinı ádebıetterdi satýdy uıymdastyrý kezinde zańnamada belgilengen talaptardy qatań saqtaýy qajet, - delingen habarlamada.

Al jýyrda Almatyda dinı ekstremızmdi nasıhattady jáne dinı alaýyzdyqty qozdyrdy degen kúdikpen 44 jastaǵy er adam ustaldy.