Qyzylordada darııaǵa batyp bara jatqan jasóspirimder qutqaryldy

QYZYLORDA. KAZINFORM - Qyzylordada polıtseıler darııadaǵy muz jarylyp, sýǵa qulap ketken eki jasóspirimdi qutqaryp qaldy.

Qyzylordalyq polıtseıler Syrdarııa ózeniniń aýmaǵynda patrýldeý jumysyn júrgizip kele jatqan edi. Sol sátte sýǵa batyp jatqan balalardy baıqap, olardy qutqaryp qalýǵa kúsh saldy.

«Mamandandyrylǵan kúzet qyzmeti basqarmasynyń qyzmetkerleri Ádilhan Moldaǵalıuly men Altynbek Meırambekuly sýǵa batyp bara jatqan 14-15 jastaǵy ul jáne qyz balany arqan salyyp, qutqaryp aldy. Odan keıin polıtseıler jedel járdem shaqyryp, balalardy ata-anasyna tapsyrdy. Jasóspirimder oınap júrip, muzǵa shyqqan. Biraq muz olardyń salmaǵyn kótere almaı, ul bala sýǵa qulap ketken. Qyz bala oǵan kómektesýge tyrysqan, ózi de sodan keıin sýǵa túsip ketken», - dep málim etti Qyzylorda oblystyq polıtsııa departamentinen.

Eske salsaq, budan buryn Qyzylorda oblysynda 25 páterge túsken ury ustaldy.