Qyzylordada bıýdjet qarajatyn jymqyrýǵa qatysty 15 is tergeldi
QYZYLORDA. KAZINFORM – Bıyl 9 aıda Qyzylorda oblysy boıynsha ekonomıkalyq tergep-tekserý departamentiniń óndirisinde 41 qylmystyq is boldy.
Onyń 26-sy boıynsha tergep-tekserý aıaqtalyp, 23 qylmystyq is sotqa joldandy.
– Qylmystyq ister sheńberinde memleketke 1 mlrd 18 mln teńge kóleminde zalal kelgen. Qabyldanǵan sharalardyń nátıjesinde onyń 848 mln-y memleketke qaıtaryldy. Bıýdjet qarajatyn jymqyrý deregi boıynsha 15 is tergelip, 7 is sotqa joldandy, – dedi departament basshysynyń orynbasary Rýslan Satybaldıev.
Sala ókilderi2 qarjy pıramıdasynyń jolyn kesti.
– Tergep-tekserý barysynda jábirlenýshilerdiń 59 mln teńge shamasynda japa shekkeni anyqtaldy. Sottyń zańdy kúshine engen úkimderi negizinde memleket kirisine quny 5 mln teńge avtokólik jáne 2 mln 947 myń 945 USDT krıptoaktıvter tárkilengen. Zańsyz oıyn bıznesin uıymdastyrý boıynsha 2 qylmystyq is sotqa joldandy. «Kıbernadzor» aqparattyq júıesi arqyly qarjy pıramıdalary men alaıaqtyqqa qatysty 10 000-nan astam silteme buǵattaldy, – dedi Rýslan Satybaldıev.
Eske sala ketsek, Qarjylyq monıtorıng agenttiginiń Qyzylorda oblysy boıynsha departamenti mal sharýashylyǵy salasyndaǵy ınvestıtsııalyq jobany iske asyrýǵa bólingen qarajattyń qoldy bolǵanyn anyqtady.
