Qyzylordada búırek transplantatsııasyna baılanysty kúrdeli ota jasaldy
QYZYLORDA. KAZINFORM — Qyzylordada oblystyq kópbeıindi aýrýhanada búırek transplantatsııasyna baılanysty kúrdeli ota jasaldy. Ota barysynda 24 jastaǵy azamatshaǵa 45 jastaǵy apasy donor boldy.
Naýqasqa termınaldy búırek jetispeýshiligi dıagnozy qoıylǵan. Ol eń alǵash 2018 jyly transplantatsııa jasatqan. Ol kezde aǵasy donor bolǵan. Alaıda naýqas pandemııa kezinde COVID-19 dertine shaldyǵyp, búırek aýrýyn asqyndyryp alǵan. Sondyqtan naýqas ekinshi márte ota jasatýǵa májbúr bolǵan.
«Kúrdeli otany aýrýhana dırektory, PhD doktor, transplatolog Jasulan Baımahanov, dırektordyń hırýrgııa jónindegi orynbasary Erbol Serikuly jáne A. N. Syzǵanov atyndaǵy Ulttyq ǵylymı hırýrgııa ortalyǵynyń Búırek transplantatsııasy, ýrologııa jáne nefrologııa bólimshesiniń bilikti mamandary jasady. Bilikti mamandar óz tájirıbesimen elimizdiń barlyq dárigerlerine onlaın sheberlik saǵaty arqyly bólisti. Operatsııa sátti ótti», — dep atap ótti aýrýhanadan.
Oblysta bilikti mamandar artyp, kúrdeli otalar jasalyp jatyr. Aıta ketý kerek, bul — aımaqtaǵy besinshi búırek transplatatsııasy.
