Qyzylordada búgin jylý berý maýsymy bastaldy
QYZYLORDA. KAZINFORM – Qyzylorda qalasy ákiminiń 2025 jylǵy 7 qazandaǵy sheshimine jáne bekitilgen kestege sáıkes oblys ortalyǵynda tutynýshylarǵa jylý energııasyn berý jumystary bastaldy. Bul týraly oblystyq energetıka jáne turǵyn úı kommýnaldyq sharýashylyq basqarmasynyń baspasóz qyzmeti habarlady.
Mamandar jylý berý maýsymyna daıyndyq jumysy josparǵa sáıkes júrgizilgenin atap ótti.
– Búginge kúnge ortalyqtandyrylǵan jylý júıesine qosylǵan 909 kópqabatty turǵyn úı men 1079 áleýmettik nysan (544 bilim, 247 densaýlyq, 288 mádenıet jáne sport nysany) tolyǵymen jylýǵa qosylýǵa daıyn. Jylý jelilerin jańǵyrtý boıynsha Qyzylorda qalasynda 6 joba iske asyryldy. Joba boıynsha 81 myńnan astam qala turǵyny jylý energııasymen qamtamasyz etiledi, - delingen habarlamada.
Basqarma ókilderi turǵyn úıler men áleýmettik nysandardy jylýǵa qosý jumysy kezekpen júzege asyrylatynyn jetkizdi.
Buǵan deıin biz Aqtaýda da jylý berý maýsymy 7 qazannan bastalatynyn jazǵanbyz.