Qyzylordada birneshe kún buryn joǵalǵan 65 jastaǵy er adamnyń máıiti tabyldy
QYZYLORDA. KAZINFORM — Búgin, 2026 jylǵy 4 qarashada Qyzylorda aýmaǵynan birneshe kún buryn habar-osharsyz ketken qala turǵynynyń máıiti tabyldy.
65 jastaǵy Ǵanı Kósherbaev 29 qazan kúni úıinen belgisiz baǵytqa shyǵyp ketip, oralmaǵan.
— Turǵyndy izdep tabý maqsatynda keshendi jedel izdestirý jumysy barlyq kúsh quraldaryn jumyldyra otyryp júrgizildi. Іzdestirý nátıjesinde joǵalǵan er azamattyń máıiti qala aýmaǵynan tabyldy, — dep málimdedi oblystyq polıtsııa departamentiniń baspasóz qyzmeti.
Vedomstvonyń málimetinshe, sot saraptamasynyń qorytyndysy boıynsha máıitten zorlyq-zombylyq belgileri anyqtalmaǵan.
Buǵan deıin Qostanaı oblysynda 86 jastaǵy er adamnyń máıiti tabylýyna baılanysty qylmystyq is qozǵaldy.
