Qyzylordada birneshe kún buryn joǵalǵan 6 jasar qyzdyń denesi tabyldy
QYZYLORDA. KAZINFORM – Qyzylorda qalasynda iz-túzsiz joǵalǵan 6 jastaǵy Medına Muratbekqyzynyń denesi tabyldy.
Oblystyq polıtsııa departamenti taratqan aldyn ala málimetke qaraǵanda qyz balanyń denesi «Áıtek» sý torabynan aǵyspen tómen qaraı shamamen 30 shaqyrym jerden anyqtalǵan. Máıitten zorlyq-zombylyq belgileri anyqtalǵan joq.
Buǵan deıin biz Medına Muratbekqyzynyń 5 maýsym kúni keshki ýaqytta Rısmash aýdanyndaǵy Syrdarııa ózeniniń jaǵalaýynda ornalasqan bóget aýmaǵyna oınaýǵa shyǵyp, sodan beri úıine oralmaǵan bolatyn. Ony izdestirý jumysyna polıtsııa qyzmetkerleri, Ulttyq ulan sarbazdary, tótenshe jaǵdaılar departamentiniń mamandary, eriktiler, týystary jáne jergilikti turǵyndar jumyldyryldy.
Іzdestirý sharalary birneshe kún boıy arnaıy tehnıka, drondar, iz kesýshi ıtter men súńgýirlerdiń qatysýymen júrgizildi. Qazirgi ýaqytta oqıǵanyń mán-jaıy anyqtalyp jatyr.
Joǵalǵan qyz balanyń fotosýreti men jeke belgileri týraly aqparat eki kún buryn barlyq tıisti aýmaqqa taratylǵan bolatyn.
