Qyzylordada bir kúnde eki naýqasqa búırek transplantatsııa jasaldy

QYZYLORDA. KAZINFORM - Qyzylorda oblystyq kópbeıindi aýrýhanada bir kúnde eki naýqasqa búırek transplantatsııa jasaldy.

1986jyly dúnege kelgen alǵashqy naýqas 2016 jyldan beri glomerýlonefrıtpen «D» esepte turady. Naýqas Ońtústik Koreıada birneshe márte em alǵan. Degenimen búırek jetispeýshiligi damyp, ótken jyldan beri dıalız qabyldaǵan. Oǵan týǵan aǵasy donor bolyp, búırek transplantatsııasy jasaldy. 

Ekinshi transplatatsııa 1998 jyly týǵan naýqasqa jasaldy. 2022 jyldan beri sozylmaly búırek jetispeýshiligimen «D» esepte turatyn ol sol ýaqyttan beri dıalız qabyldaıdy. Naýqasqa apasy donor bolyp búırek transplantatsııasy jasaldy.

«Kúrdeli ota A.N. Syzǵanov atyndaǵy Ulttyq ǵylymı hırýrgııa ortalyǵynyń bilikti mamandarymen birge jasaldy. Olardyń jaǵdaıy ortasha aýyrlyqta, tıesili emin qabyldap jatyr», - dep málim etti Qyzylorda oblystyq kópbeıindi aýrýhanasynan.

Eske salsaq, budan buryn Qyzylordada dárigerler jańa týǵan nárestege kúrdeli ota jasady.