Qyzylordada bir kúnde alty ákim saılanady
QYZYLORDA. KAZINFORM — 4 qazan kúni Qyzylorda oblysynyń tórt aýdanynda kent jáne aýyldyq okrýg ákimderi saılanady.
Oblystyq aýmaqtyq saılaý komıssııasy málimdegendeı, saılaýshylar 2 kent jáne 4 aýyldyq okrýgke jańa ákim saılaıdy.
Ákim saılaýy Aral aýdanynyń Sekseýil kentinde, Qazaly aýdanynyń Arandy, Qumjıek, Shıeli aýdanynyń Talaptan aýyldyq okrýgterinde, Jańaqorǵan aýdanynyń Shalqııa kenti men Tómenaryq eldi mekeninde ótedi.
— 6 okrýgte 15 052 saılaýshy daýys berýge quqyly. Saılaýshylar úshin 12 ýchaske qurylady. Kúntizbelik josparǵa sáıkes kandıdattardy usyný qujattary qyrkúıekke deıin qabyldanady, — delingen habarlamada.
Eske salaıyq, buǵan deıin 13 tamyz kúni Aqtóbe oblysyndaǵy 8 aýyldyń ákimi saılanǵan edi.
