Qyzylordada bir kúnde 3 myń tonnadan astam qoqys shyǵaryldy

QYZYLORDA. KAZINFORM - Búgin Qyzylorda oblysynyń turǵyndary jappaı senbilikke shyqty.

«Taza Qazaqstan» respýblıkalyq ekologııalyq baǵdarlamasy aıasynda uıymdastyrylǵan sharaǵa 80 myńnan astam adam qatysty.

Tazalyq jumystary nátıjesinde 3 300 tonna shamasynda qoqys shyǵaryldy. Sondaı-aq eldi mekenderdegi skverler men parkter, tarıhı mádenı eskertkishter, áleýmettik nysandar, ónerkásip jáne bıznes oryndary, sý obektileri men kóshelerdiń boıy tazaryp qaldy.

Búginde oblys aýmaǵyna 10 myń túpke jýyq tal otyrǵyzyldy.

Elimizde qaldyqtardy jınaý jáne qaıta óńdeý kásiporyndaryn yntalandyrý maqsatynda «EkoQoldaý» baǵdarlamasyna bıyl 9,2 mıllıard teńge qarastyryldy.