Qyzylordada bir depýtattyq mandatqa úsh úmitker talasady
QYZYLORDA. KAZINFORM — Qyzylorda oblysynyń aýmaqtyq saılaý komıssııasy oblystyq jáne aýdandyq máslıhattarǵa tirkelgen kandıdattar tizimin jarııalady.
29 qarashada ótetin saılaý boıynsha barlyq deńgeıdegi máslıhat depýtattaryna kandıdattardy tirkeý kúntizbelik josparǵa sáıkes 1 qarasha kúngi saǵat 18.00-de aıaqtaldy.
— Nátıjesinde oblystyq máslıhatqa 16 okrýgten 48, qalalyq máslıhatqa 23 okrýgten 69, aýdandyq máslıhattarǵa 97 okrýgten 292 kandıdat tirkeldi. Jalpy alǵanda bir mandatqa 3 adamnan tirkeldi. «Ádilet», «Aq jol», «Aýyl» partııalary 46 adamnan turatyn partııalyq tizimderin usyndy. Partııalyq tizimderdegi áıelder men jastardyń jıyntyq sanysaqtaldy. Barlyq partııa tirkeýden ótti. Ortasha eseppen bir mandatqa 3 adamnan tirkeldi, — dedi komıssııa tóraǵasy Ádilbek Ersultanov.
Birmandatty saılaý okrýgi boıynsha kandıdattardyń 314-i — er adam, 95-i — áıel. Partııalyq tizim boıynsha kandıdattardyń 36-sy — er adam, 10-y — áıel.
Eske salaıyq, keshe Ortalyq saılaý komıssııasynyń otyrysynda saıası partııalardyń ataýlaryn saılaý bıýlletenine engizý tártibi de aıqyndaldy.
