Qyzylordada bir aptada 5 myńǵa jýyq quqyqbuzýshylyqtyń joly kesildi
QYZYLORDA. KAZINFORM – Qyzylorda oblysynda jol-kólik oqıǵalarynyń aldyn alý jáne qoǵamdyq qaýipsizdikti qamtamasyz etýge baǵyttalǵan reıdtik-profılaktıkalyq is-sharalar ótip turady.
Reıd barysynda vandalızmniń aldyn alýǵa, qorshaǵan ortanyń tazalyǵyn saqtaýǵa, túngi zańsyz jarystardyń jolyn kesýge jáne jol erejesin óreskel buzatyn júrgizýshilerdi anyqtaýǵa basymdyq beriledi.
– Apta kóleminde 5 myńǵa jýyq ákimshilik quqyqbuzýshylyqtyń joly kesildi. Atap aıtqanda, kólik quralyn basqarý kezinde uıaly telefon paıdalanýdyń 1069, kólikti mas kúıde basqarýdyń 26, sondaı-aq jolaýshy men júk tasymaldaý, qaýipsizdik beldigi men motoshlemdi paıdalaný talaptaryn saqtamaýdyń 1620, qarsy júrip ótý nemese basyp ozý qaǵıdalaryn buzýdyń 18 deregi anyqtaldy, – dep habarlady oblystyq polıtsııa departamenti.
Quqyqbuzýshylyqtardy jedel anyqtap, olardyń jolyn kesý jáne qaıtalanýyna jol bermeýde tsıfrlyq tehnologııalar men beınebaqylaý júıeleriniń múmkindigi paıdalanylady.
Eske salaıyq, Jambyl oblysynda polıtsııa qyzmetkerleri «Zań men tártip» qaǵıdaty boıynsha «Taza Qazaqstan» aktsııasy aıasynda jyl basynan beri 391 quqyq buzýshylyqtyń jolyn kesti.
