Qyzylordada boksshy Qamshybek Qońqabaevqa eki bólmeli páter berildi

QYZYLORDA. KAZINFORM - Qyzylordada bokstan 2020 jylǵy Olımpıada oıyndarynyń qola júldegeri Qamshybek Qońqabaevqa eki bólmeli páter berildi.

Qyzylordalyq sportshy byltyr Qytaıdyń Hanchjoý qalasynda ótken HІH Jazǵy Azııa oıyndarynda kúmis júlde alyp, Parıj Olımpıadasyna joldama jeńip alǵan edi. 

Aımaq basshysy boksshynyń daıyndyq barysy týraly surap, aldaǵy dúbirli dodadan jeńispen oralýyna tilektestik bildirdi.

«Olımpıada oıyndarynda jeńis tuǵyrynan kóriný – ár sportshynyń armany. Bul – eńbeksúıgishtiktiń, patrıotızm men óz kúshine degen senimniń úlgisi. Chempıondarǵa qarap, myńdaǵan jastyń sportqa degen qulshynysy artady. Búgingi kezdesýdiń basty maqsaty – eldiń ystyq yqylasy men tilegin jetkizý. Jerlesterińniń atynan ózińdi qoldaý ári yntalandyrý úshin arnaıy syı-sııapat jasap, baspana kiltin tabystaýdy jón kórdik», – dedi Nurlybek Nálibaevpen boksshymen júzdesý barysynda. 

Óz kezeginde sportshy Olımp shyńyn baǵyndyrýǵa bar kúsh-jigerin jumsaıtynyn aıtty.

Kezdesý sońynda oblys ákimi óńir halqynyń atynan Qamshybekke páter kiltin tabystady.

Qyzylordalyq sportshylar 2024 jylǵy Parıj olımpıadasyna joldama jeńip aldy. Olardyń qatarynda grek-rım kúresinen Aıdos Sultanǵalı, dzıýdodan Abylaıhan Jubanazar men Nurlyhan Sharhan el namysyn qorǵaıdy.

Al Paralımpıadada otyryp oınaý voleıbolynan qos birdeı sportshymyz Erık Qasqabaev pen Shyńǵys Medeýov, para jeńil atletıkadan Elaman Jolaman, parapaýerlıftıngten Stanıslav Shakıev aıtýly jarysqa qatysýǵa múmkindik ıelendi. 

Eske salsaq, budan buryn Qyzylordada «Qazaq tilin meńgertýge arnalǵan mátinder jınaǵy» jaryq kórdi.