Elde birqatar azyq-túlik baǵasy arzandady
ASTANA. KAZINFORM – 2026 jylǵy 29 shildedegi jaǵdaı boıynsha Qazaqstanda apta ishinde áleýmettik mańyzy bar azyq-túlik taýarlarynyń birqatarynyń baǵasy arzandady, dep habarlaıdy ulttyq statıstıka bıýrosy.
Apta ishinde kartoptyń baǵasy - 2,8%, qyzanaq - 2,4%, alma - 1,9%, qııar - 1,2%, sábiz, qaımaq jáne qara shaı – 0,2%, sondaı-aq taýyq eti, qatty jáne jartylaı qatty irimshik, maılylyǵy 2-3% aıran - 0,1% arzandady.
Esepti aptada un, birinshi surypty unnan pisirilgen bıdaı nany, jylqy eti, súıekti sıyr eti, sondaı-aq maılylyǵy 2,2%-dan 6%-ǵa deıingi pasterlengen, ýltrapasterlengen jáne sterıldengen sút baǵasy ózgerissiz qaldy.
Osyǵan deıin bıylǵy І toqsanda qazaqstandyqtar azyq-túliktiń qaı túrin kóp tutynǵany týraly jazdyq.
