Qyzylordada beınebaqylaý kameralarynyń kómegimen 1686 quqyqbuzýshylyq anyqtaldy
QYZYLORDA. KAZINFORM — Qyzylorda oblystyq Polıtsııa departamentiniń jedel basqarý ortalyǵyndaǵy beınebaqylaý kameralary arqyly óńirdegi ahýal táýlik boıy baqylaýda.
Beınebaqylaý júıeleri quqyqbuzýshylyqtardy der kezinde anyqtap qana qoımaı, qoǵamdyq qaýipsizdikti qamtamasyz etýge múmkindik beredi.
— Máselen, bir apta ishinde beınekameralardyń kómegimen 1686 ákimshilik quqyqbuzýshylyq anyqtaldy. Sonymen qatar «Taza Qazaqstan» baǵdarlamasy aıasynda qoǵamdyq oryndardy lastaýdyń 110 deregi jáne abattandyrý qaǵıdalaryn buzýdyń 25 deregi tirkeldi. Atalǵan quqyqbuzýshylyqtar boıynsha tıisti materıaldar sotqa joldandy. Jol qaýipsizdigin qamtamasyz etý baǵytynda da júıeli jumys atqarylyp jatyr. Atap aıtqanda, bir apta kóleminde jol qozǵalysy qaǵıdalaryn buzǵan 1358 adam ákimshilik jaýapkershilikke tartyldy, — delingen habarlamada.
Onyń ishinde jol erejesin óreskel buzǵan júrgizýshilerdiń avtokólikteri aıyp turaǵyna qoıyldy. 6-7 qarasha kúnderi alkogoldik masań kúıde kólik basqarǵan Chevrolet Cobalt jáne Audi markaly avtokólikterdiń júrgizýshileri sottyń sheshimimen ákimshilik qamaqqa alyndy.
Osy rette polıtsııa qyzmetkerleri turǵyndar men qala qonaqtaryn qoǵamdyq oryndardyń tazalyǵyn saqtaýǵa, jol qozǵalysy qaǵıdalaryn buzbaýǵa, kólik quralyn masań kúıde basqarmaýǵa jáne ózge de quqyqbuzýshylyqtarǵa jol bermeýge shaqyrady.
Al keshe Qyzylordada drıft jasap, jol erejesin buzǵan eki júrgizýshi jazalandy.
