Qyzylordada baspaldaqtyń temir qorshaýyna basy qysylyp qalǵan bala qutqaryldy
QYZYLORDA. KAZINFORM - Qyzylordada qutqarýshylar kópqabatty turǵyn úıdegi baspaldaqtyń temir qorshaýyna basy qysylyp qalǵan balany qutqardy.
Oqıǵa Qyzylorda qalasyndaǵy «Araı» shaǵyn aýdanyndaǵy kópqabatty úıdiń birinde bolǵan.
- Tótenshe jaǵdaılar qyzmetine qala turǵynynan balasynyń basy baspaldaqtyń temir qorshaýyna basyn tyǵyp, qaıta shyǵara almaǵany týraly shaqyrtý tústi. Qutqarýshylar oqıǵa ornyna baryp, gıdravlıkalyq quralmen temirdi kesti. Osylaısha balanyń basyn temirden shyǵaryp berdi. Bala aman-esen. Balanyń ata-anasy qutqarýshylarǵa alǵys bildirdi, - dep málim etti Qyzylorda oblystyq tótenshe jaǵdaılar departamentinen.
Eske salsaq, budan buryn Qyzylordada transformatordyń janýy saldarynan qalanyń birqatar bóligi jaryqsyz qalyp, ol birshama ýaqyttan keıin qalpyna keltirildi.