Qyzylordada barymtashylar maldy soıyp jatqan jerinen qolǵa túsken

ASTANA. KAZINFORM — Qyzylorda oblysynda mal urlyǵy boıynsha kúdiktiler qolǵa tústi. Qazir kúdiktiler qamaýda otyr, dep habarlaıdy Polisia.kz.

25 jeltoqsan kúni Qazaly aýdandyq polıtsııa bóliminiń qyzmetkerleri jedel izdestirý is-sharalary barysynda oblystyq prokýratýranyń úılestirýimen qylmys jasady degen kúdikpen 24 jáne 22 jastaǵy eki aýdan turǵynyn anyqtap, ustady. Kúdiktiler aýdan aýmaǵyndaǵy dalalyq jerde urlanǵan maldy soıyp jatqan jerinen qolǵa túsken.

— Atalǵan derek boıynsha aýdandyq polıtsııa bóliminde mal urlyǵy faktisimen qylmystyq is tirkeldi. Aıǵaqty zattar tárkilenip, is materıaldaryna qosa tirkeldi. Qazirgi ýaqytta kúdiktilerdiń mal urlyǵy boıynsha basqa da qylmystarǵa qatystylyǵy tekserilip jatyr. Kúdiktiler qamaýǵa alyndy, — delingen habarlamada.

Osydan buryn Jetisý oblysynda mal urlyǵyna qatysy bar úsh adam qamaýǵa alynǵanyn jazǵanbyz.