Qyzylordada balalardyń terezeden qulaý sebebi belgili boldy
QYZYLORDA. KAZINFORM - Bıyl 7 aıda Qyzylorda oblysynda balalardyń terezeden qulaýynyń 4 jaǵdaıy belgili boldy. Ótken jyly 16 fakt tirkelip, 17 bala túrli jaraqat aldy.
Oblystyq tótenshe jaǵdaılar departamenti buǵan ata-analardyń balalardy baqylaýsyz qaldyrýy sebep dep otyr.
- Odan bólek terezede bekitkish tordyń bolmaýy jáne balalardyń tereze aldynda oınaýynan tirkeledi. Balalar úshin qaýipsiz orta qurý, ata-analardyń jaýapkershiligin arttyrý, ókinishti jaǵdaılardy boldyrmaý úshin túsindirme jumysy udaıy júrgizilip keledi. Qurylymdyq bólimshelerimiz tarapynan jyl basynan beri 115 tereze blogy ornatyldy, - dedi departamenttiń basqarma basshysy Beıbithan Spanov.
Kópqabatty turǵyn úılerdiń basym kópshiligi oblys ortalyǵynda bolǵandyqtan jazataıym oqıǵalar osynda jıi tirkeledi.
Qutqarýshylardyń aıtýynsha, mundaı oqıǵalar kún jyly kezde jıileı túsedi.