Astanada zańsyz jumys istegen tsehtan 180 qap et tárkilendi
ASTANA. KAZINFORM — Elimizde turǵyndardy mal urlyǵynan, sapasyz et ónimderinen qorǵaý maqsatynda «Mal urlyǵy» respýblıkalyq jedel-aldyn alý is-sharasy ótip jatyr, dep habarlaıdy Polisia.kz.
Іs-shara barysynda polıtsııa qyzmetkerleri veterınarlyq ınspektsııamen birlesip, zańsyz jumys istep kelgen jasyryn et óńdeý tsehyn anyqtady. Tergeý barysynda ettiń antısanıtarııalyq jaǵdaıda, veterınarlyq-sanıtarlyq normalar men talaptardy saqtamaı óńdelgeni belgili boldy. Sondaı-aq uıymdastyrýshylarda qajetti ruqsat qujattary men veterınarlyq anyqtamalar bolmaǵan.
Tekserý nátıjesinde 5 jylqynyń, 24 iri qaranyń jáne 13 usaq maldyń tutas eti, sondaı-aq et óńdeýge arnalǵan arnaıy qural-jabdyqtar men aspaptar tabyldy. Oǵan qosa, 180 qap daıyn et ónimi tárkilendi.
Atalǵan fakti boıynsha aýyl sharýashylyǵy janýarlaryn sáıkestendirý bazasy boıynsha tekserý júrgizilip, mal men et ónimderiniń urlanǵan-urlanbaǵany da tekserilip jatyr.
Aıta keteıik, Qyzylordada mal urlyǵymen aınalysqan 5 qylmystyq top ustaldy.