Qyzylordada balalar quqyǵyn qorǵaýda qandaı máseleler jıi kezdesedi
QYZYLORDA. KAZINFORM – Qyzylorda oblystyq balalardyń quqyqtaryn qorǵaý basqarmasyna 111 baılanys ortalyǵy arqyly 25 másele túsken.
Olardyń qatarynda qorǵanshylyq jáne qamqorshylyq, bilim berý, densaýlyq saqtaý, psıhologııalyq súıemeldeý, turmystyq zorlyq-zombylyqtyń aldyn alý, turǵyn úımen qamtamasyz etý, járdemaqy alý jáne quqyqbuzýshylyq máseleleri bar.
- Qazirgi kúni mamandardyń kómegimen 13 másele sheshimin tapsa, 12 másele baqylaýda tur. Máselen, call ortalyqqa qońyraý shalǵan jasóspirim ata-anasy úıde uryp-soǵyp, qysym jasaǵanyn jetkizgen. Basqarma ókili, qalalyq bilim bólimi janyndaǵy qorǵanshylyq jáne qamqorshylyq fýnktsııalaryn júzege asyratyn organ mamany, oblystyq psıhologııalyq qoldaý ortalyǵynyń psıhology jáne ýchaskelik polıtsııa qyzmetkerlerinen quralǵan mobıldi top mán-jaıdy anyqtap, jasóspirimmen kezdesti. Ata-anasynan túsinikteme alyp, zertteý jumysyn júrgizdi. Qyz bala oblystyq kámeletke tolmaǵandardy beıimdeý ortalyǵyna ornalastyrdy. Sonymen qatar áleýmettik kómek alý, alıment óndirý, mektepke ornalastyrý syndy máseleler sheshimin tapqan, - delingen basqarma habarlamasynda.
Ótinishter zańnama talaptaryna sáıkes balanyń quqyqtary men zańdy múddelerin qorǵaý qaǵıdaty negizinde qaralyp jatyr.
Eske salaıyq, Jambyl oblysynda 204 erekshe balanyń quqyǵy qorǵaldy.
