Qyzylordada balabaqsha órtenip, 88 bala evakýatsııalandy

ASTANA. KAZINFORM — Qyzylorda qalasynda Otyrar kóshesinde eki qabatty balabaqsha ǵımaratynan órt shyqqany týraly habarlama tústi, dep habarlaıdy oblystyq TJD baspasóz qyzmeti.

13 sáýirde Qyzylorda qalasy Otyrar kóshesi 3A mekenjaıynda ornalasqan aýdany 244 sharshy metr bolatyn ekiqabatty «Aqbilek» orta balabaqshasynyń jertólesinde aýdany 28 sharshy metr bólme órtendi. Órt saǵat 12:04–te oqshaýlanyp, 12:11–de tolyq sóndirildi.

— Kelgenge deıin 93 adam, onyń ishinde 85 bala óz betinshe evakýatsııalanǵan. TJM kúshterimen 5 adam, onyń ishinde 3 bala qutqaryldy. Zardap shekkender joq. Onyń shyǵý tegi anyqtalyp jatyr. Órtti sóndirýge  TJD 35 qyzmetkeri, 12 tehnıka jumyldyryldy, — dedi Qyzylorda oblysy TJD bastyǵynyń birinshi orynbasary azamattyq qorǵaý podpolkovnıgi Jasulan Túımenov.

Budan buryn Astanada kópqabatty turǵyn úıden órt shyǵyp, úsh bala qaza tapqanyn jazǵanbyz.