Qyzylordada avtomobılder tıegen júk kóligi aýdarylyp qaldy

QYZYLORDA. KAZINFORM — Qyzylorda qalasynyń tusynda Shymkentten Aqtóbe qalasyna baǵyt alyp bara jatqan DAF markaly avtokóligi aýdarylyp qaldy.

Bul jóninde áleýmettik jelide beınejazba jarııalandy. Onda jeńil avtokólikter tıelgen júk kóliginiń taıǵaq saldarynan aýdarylyp qalǵany kórsetilgen.

— Oqıǵa, 5 jeltoqsanda saǵat 6:30 shamasynda M-32 «Shymkent-Samara» tas jolynyń 1807 shaqyrymynda tirkeldi. Oqıǵa Qyzylorda qalasyna qarasty J. Mahanbetov aýyly tusynda boldy. Shymkentten Aqtóbe qalasyna baǵyt alyp bara jatqan «DAF» markaly avtokóliginiń basqarý júıesine ıe bola almaı aýdarylǵan. Avtokólikke materıaldyq shyǵyn kelgen. Dene jaraqatyn alǵandar joq, — dep málim etti Qyzylorda oblystyq Polıtsııa departamentinen.

Eske salsaq, Qyzylordada baspaldaqtyń temir qorshaýyna basy qysylyp qalǵan bala qutqaryldy.