Qyzylordada aýyldar mańynan esirtki alqaby tabyldy
QYZYLORDA. KAZINFORM — Elimizde esirtki qylmysynyń aldyn alýǵa jáne jolyn kesýge baǵyttalǵan «Qarasora-2026» arnaıy jedel-profılaktıkalyq is-sharasy ótip jatyr.
Іs-shara 1 maýsym men 31 qazan aralyǵyna josparlanǵan. Maqsat — quqyqbuzýshylyqtardyń aldyn alý, quramynda esirtki zaty bar ósimdikterdi zańsyz ósirý jáne daıyndaý derekteriniń jolyn kesý.
— Іs-shara bastalǵaly oblys kóleminde barlyǵy 9 quqyqbuzýshylyqqa tosqaýyl qoıyldy. Onyń 8-i — esirtki ósirý, 1-i — esirtkige baılanysty qylmystyq teris qylyq. Esirtki ósirý derekteriniń 3-i dalalyq aýmaqtarda, 5-i turǵyn úılerdiń aýlasynda anyqtaldy. Zańsyz ósirilgen, quramynda esirtki zaty bar ósimdikter tárkilendi. Zańsyz esirtki ósirýmen aınalysqan 5 adam quryqtalyp, olarǵa qatysty zań talaptaryna sáıkes protsessýaldyq sheshim qabyldandy, — dep habarlady oblystyq polıtsııa departamentinen.
Sonymen qatar áskerı tikushaqtyń kómegimen 3 ret áýeden baqylaý júrgizilip, Abaı jáne Birqazan aýyldarynyń mańynda esirtki ósirýdiń 2 deregi tirkeldi.
«Qarasora-2026» operatsııasy aıasynda sıntetıkalyq esirtki óndirý faktilerin anyqtaý, esirtki saqtaý oryndaryn tabý jáne zańsyz aınalymǵa qarsy keshendi sharalar qabyldanatynyn buryn jazǵanbyz.
