Qyzylordada aýdan ákimi saılaýyna kandıdattar anyqtaldy

QYZYLORDA. KAZINFORM — 28 qyrkúıekte Qyzylorda oblysynda Qazaly aýdanynyń ákimin saılaý naýqany ótedi. Soǵan baılanysty búgin, ıaǵnı 2 qyrkúıek kúngi saǵat 18.00-de kandıdattardy tirkeý protsesi aıaqtaldy. 

Oblystyq saılaý komıssııasy habarlaǵandaı, kandıdattardy tirkeý merzimi aıaqtalǵan soń saılaýaldy úgit-nasıhat jumysy bastaldy. Ol 27 qyrkúıekte túngi saǵat 12-de aıaqtalady.

— Qazaly aýdanynyń ákimine kandıdat retinde 5 adam tirkeldi. Olar — «AMANAT» partııasy Qyzylorda oblystyq fılıalynyń tóraǵasy Almasbek Esmahanov, oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Ǵabıt Jańabaev, oblystyq energetıka jáne turǵyn úı kommýnaldyq sharýashylyq basqarmasy basshysynyń orynbasary Baýyrjan Іzmaǵambetov, oblystyq din isteri basqarmasynyń basshysy Mıra Qazbekov, oblystyq veterınarııa basqarmasynyń basshysy Shahmardan Qoıshybaev. Úmitkerlerdiń bireýin «AMANAT» partııasy usynsa, qalǵany ózin-ózi usyndy, — delingen habarlamada.

Kandıdattar belgilengen ýaqytqa deıin úgit júrgize alady. Ol úshin árbir kandıdatqa shyǵys mólsheri bekitildi.

Saılaý ákimniń ókilettiligi merziminen buryn toqtaýyna baılanysty ótpek.