Qyzylordada asfalt-beton shyǵaratyn 11 zaýyt jumysynan kemshilikter anyqtaldy
QYZYLORDA. KAZINFORM — Qyzylorda oblysynda asfalt-beton shyǵaratyn 24 zaýyt bar. 13 zaýyt talaptarǵa tolyq saı. 11 zaýyt jumystarynda kemshilikter anyqtaldy.
Bul - «Jol aktıvteriniń ulttyq sapa ortalyǵy» RMK Qyzylorda oblystyq fılıalynyń mamandary ishinara zerdeleý jumystarynyń nátıjesi. Arnaıy qondyrǵylarda sertıfıkat bolmaýy, qurylys materıaldarynyń sapasyn qadaǵalamaý sekildi birqatar kemshilik boıynsha eskertýler jasaldy.
«Tekserý barysynda keıbir zaýyttarda qarapaıym talaptar saqtalmaǵany rastaldy. Sonyń saldarynan atalǵan kásiporyndardan shyǵatyn asfalt jabyndylary sapaly bolmaýy múmkin. Sondyqtan jergilikti ákimdikke olqylyq anyqtalǵan asfalt-beton zaýyttary boıynsha usynys berildi», — deıdi «Jol aktıvteriniń ulttyq sapa ortalyǵy» RMK Qyzylorda oblystyq fılıalynyń dırektory Erbolat Kóshtaev.
Eske salsaq, elimizde qoǵamdyq baqylaýshylar jol sapasyn tekseredi.
