Qyzylordada «Armııaǵa barmaý máselesin sheship beremin» dep aldaǵan alaıaq ustaldy

19 jeltoqsan kúni polıtsııaǵa 52 jastaǵy oblys turǵyny aryzdanǵan. Onyń aıtýynsha, belgisiz azamat senimine kirip, ulyn áskerge jibermeıtindeı sheship beremin dep, 300 myń teńge kóleminde aqshasyn aldap alǵan. Kazinform bul týraly Polisia.kz-ke silteme jasap habarlaıdy. 

Biraq ol ýádesin oryndamaı, alǵan aqshasyn da qaıtarmaǵan. Qazir jábirlenýshiniń uly áskerge shaqyrylyp, Otan aldyndaǵy áskerı boryshyn ótep jatyr.

Polıtsııa qyzmetkerleri kúdiktini qolǵa túsirdi. Ol 34 jastaǵy, esh jerde jumysta joq, Qyzylorda qalasynyń turǵyny bolyp shyqty.

Kúdikti ÝUI-ǵa qamaldy. QR QK 190-babynyń 1-bóligimen sotqa deıingi tergep-tekserý áreketteri júrgizilip jatyr.