Qyzylordada aptap ystyq kesirinen elektr jelilerine túsetin júkteme artty
QYZYLORDA. KAZINFORM – Qyzylorda oblysynda jaz bastalmaı jatyp kúnniń kúrt ysýy jaryq sapasyna kesirin tıgizip otyr.
Qyzylorda elektr taratý toraptary kompanııasynyń habarlamasyna súıensek, aptap ystyq áserinen elektr jelilerine jáne qosalqy stantsııalarǵa túsetin júkteme eki ese artqan. Sebebi «KEGOK» kompanııasyna tıesili qýaty 220 kVt bolatyn qosalqy stantsııada kerneý deńgeıi normaǵa sáıkes emes.
– Sonymen qatar Qyzylorda jylý elektr ortalyǵynyń teńgerimindegi generatorlarǵa jóndeý jumysy júrgizilip, ol da áserin tıgizip otyr. Sonyń saldarynan aryz-shaǵym kóbeıdi. Joǵaryda atalǵan mekemeler men Qyzylorda elektr taratý toraptary kompanııasy kerneýdi kóterý maqsatynda birlesip barlyq jumysty atqaryp jatyr, - delingen habarlamada.
Qyzylorda elektr taratý toraptary kompanııasy osyǵan oraı turǵyndardan elektr qondyrǵylaryn únemdi paıdalaný úshin artyq qosylyp turǵan qondyrǵylardy, jeldetkishterdi ýaqytyly ajyratýdy suraıdy.
Sınoptıkter buǵan deıin Qyzylorda oblysynda kúnniń kúrt ysıtynyn boljaǵan edi.