Qyzylordada aptap ystyq qashanǵa deıin jalǵasady
QYZYLORDA. KAZINFORM – Qyzylorda oblysynda birneshe kúnnen beri aptap ystyqtyń beti qaıtar emes.
Kazinform tilshisi munyń qashanǵa deıin jalǵasatynyn «Qazgıdromet» RMK Qyzylorda oblystyq fılıalynan surap bildi. Sınoptıkterdiń aıtýynsha, buǵan Ózbekstannan kelgen qurǵaq jyly aýa raıynyń massasy áser etip otyr.
- Oblysta jaýyn-shashynsyz ári qatty ystyq aýa raıy 18-19 shildege deıin jalǵasady. Aýa temperatýrasy túnde 28-33°C-ge kóterilse, kúndizgi temperatýra oblystyń basym bóliginde 40-45°C, ońtústiginde 47°C bolyp, kún qatty ysıdy. 19-20 shildeden, ıaǵnı shilde aıynyń úshinshi onkúndiginen bastap qana aýa temperatýrasy azdap tómendeıdi. Sondaı-aq oblystyń soltústigi men ortalyǵynda sekýndyna 15-20 metr jel, shańdy daýyl soǵady, - dedi fılıaldyń bólim basshysy Áıgerim Jókelova.
«Qazgıdromet» ókili dál mundaı joǵary temperatýra Qyzylorda oblysynda 2023 jyly tirkelgenin aıtty.
Buǵan deıin biz áleýmettik jelide Qyzylorda qalasynyń turǵyndary tarapynan aptap ystyqta jaryqtyń álsin-álsin óshýine baılanysty shaǵym jıilegenin jazǵan edik.
