Qyzylordada apatty medıtsınalyq nysandar máselesi qalaı sheshilip jatyr

QYZYLORDA. KAZINFORM — Qyzylorda oblysynda apatty jaǵdaıdaǵy jáne tozyǵy jetken ǵımarattardy jańartý jumysy qarqyndy túrde júrgizilip jatyr. 

Oblystyq densaýlyq saqtaý basqarmasynan habarlaǵandaı, Aral jáne Shıeli aýdandyq aýrýhanalaryna qarasty juqpaly aýrýlar bólimsheleriniń ǵımarattaryn jańadan salý josparlanǵan. Búgingi kúni Shıelidegi nysan paıdalanýǵa berildi, al Araldaǵy bólimshe kelesi jyly ashylmaq.

— Shuǵyl salýdy qajet etetin 3 densaýlyq saqtaý nysanynyń jobalyq-smetalyq qujattamasy ázirlenip, memlekettik saraptamanyń oń qorytyndysy alyndy. Olar — Qyzylorda qalasy Syrdarııa ózeniniń sol jaǵalaý bóligindegi 500 kelýshige arnalǵan qalalyq emhana, aýysymyna 400 kelýshini qabyldaıtyn № 5 qalalyq emhana, Aral aýdanynyń Aral qalasyndaǵy aýysymyna 250 kelýshige arnalǵan emhana. Úsheýiniń qurylysy kezeń-kezeńimen júrgiziledi, — dedi basqarma basshysynyń mindetin atqarýshy Jańyl Ábýbákirova. 

Oblys ortalyǵynyń sol jaǵalaý bóliginde halyq sanynyń ósýine baılanysty qazir munda 300 tósektik kópbeıindi aýrýhana salynyp jatyr. 

Eske salaıyq, Almatyda 2030 jylǵa deıin 46 medıtsınalyq nysan iske qosylady.