Qyzylordada alıment boıynsha bereshek adam býkmekerlik keńsege bás tigip júrgen

QYZYLORDA. KAZINFORM - Qyzylorda qalasynyń prokýratýrasy alıment boıynsha bereshek keıbir boryshkerdiń býkmekerlik keńselerde aqshaǵa bás tigip júrgenin anyqtady. 

Bıyl 135 boryshker ákimshilik jaýapkershilikke tartylsa, 4 boryshker qylmystyq is qozǵaldy.

- Balaǵa tólenetin alımenti boıynsha bereshegi bar bir boryshkerdiń qaryzy 5,2 mln teńgeni quraǵan. Ol 2 mln teńgesin býkmekerlik keńsede utylǵan. Oǵan qatysty QR Qylmystyq Kodeksiniń 139-babymen qylmystyq is tirkeldi. Alıment qaryzy tolyq óteldi. Sodan keıin jábirlenýshimen tatýlasyp, aqtalmaıtyn negizdermen qylmystyq is toqtatyldy, - dep málim etti Qyzylorda oblystyq prokýratýrasynan.

Eske salsaq, budan buryn Qyzylorda oblysynda Jańa jyl túninde 7 qylmys ashyldy.

Oblys boıynsha barlyǵy 472 ákimshilik quqyq buzýshylyqtar anyqtaldy. Onyń ishinde qoǵamdyq oryndarda mas kúıde bolǵan 32, túngi tynyshtyqty buzǵan 21 adam jaýapqa tartyldy.